ATENCIÓN TEMPERÁ

Na Asociación San Xerome Emiliani ofrecemos un servizo de atención temperá

O teu fillo ou filla ten entre 0 e 6 anos e presenta algún trastorno ou dificultade no seu desenvolvemento? Queres previr posibles problemas na súa evolución? Buscas un apoio profesional e humano para a túa familia?

Este recurso realiza intervencións dirixidas á poboación infantil entre 0 e 6 anos da Comarca do Baixo Miño (A Guarda, Oia, O Rosal, Tomiño e Tui), coa familia e na súa contorna, dando resposta ás necesidades das nenas e nenos con trastornos e/o posibles dificultades, á prevención de dificultades no desenvolvemento e en grupos expostos, e a factores que poden provocar alteración na súa evolución.

O equipo de intervención está coordinado pola Psicóloga Joana Lopes Sobrosa e conta cun equipo composto por un terapeuta ocupacional, un fisioterapeuta, logopeda e psicopedagoga, que traballan de forma coordinada para dar resposta ás necesidades de cada neno ou nena e favorecer o seu desenvolvemento óptimo.

Traballamos desde a sensibilidade, o respecto, a humildade e o liderado compartido.

Promovemos un enfoque positivo, lúdico e creativo que parte do momento actual do desenvolvemento da nena/o, que busca acompañar e facilitar o seu desenvolvemento, respectando o seu ritmo, os seus desexos, así como os valores familiares e a plena inclusión na contorna.

A intervención facilita a creación de redes e relacións que fomentan as oportunidades da nena/o e da familia.

+INFO: As persoas interesadas poden obter máis información e/o cita previa chamando ao número de teléfono986 613 719 ou cubrindo o formulario de contacto:

Contacto